قطر سے ایل این جی سپلائی کی بحالی کے حوالے سے اہم پیشرفت سامنے آگئی ہے جس کے بعد ملک میں بجلی بحران اور لوڈشیڈنگ میں کمی کی امید ظاہر کی جا رہی ہے۔
شپنگ ذرائع کے مطابق قطر کی راس لفان پورٹ سے الخیریتیت نامی جہاز تقریباً 65 ہزار میٹرک ٹن ایل این جی لے کر پاکستان روانہ ہوا تھا جو آبنائے ہرمز عبور کرتے ہوئے کراچی کی جانب بڑھ رہا ہے۔
میرین ٹریفک رپورٹس کے مطابق جہاز 5 مئی کو قطر سے روانہ ہوا تھا اور امکان ہے کہ وہ پیر کی رات پورٹ قاسم پہنچ جائے گا۔
توانائی ماہرین کا کہنا ہے کہ قطر سے ایل این جی سپلائی بحال ہونے کے باعث پاکستان نے حالیہ دنوں عالمی اسپاٹ مارکیٹ سے دو ایل این جی کارگو نہ خریدنے کا فیصلہ کیا تھا۔ماہرین کے مطابق ایل این جی کی آمد سے پاور سیکٹر کو ریلیف ملے گا اور بجلی کی لوڈشیڈنگ میں کمی آنے کا امکان ہے۔