امریکی ریاست میری لینڈ میں ایک خاتون کے لیے ان کے شوہر کی پرانی گاڑی غیر متوقع خوش قسمتی کا سبب بن گئی۔
خاتون کے مطابق ان کے شوہر نے ایک پرانی گاڑی کافی عرصے سے گھر کے باہر کھڑی کر رکھی تھی، جسے وہ ناپسند کرتی تھیں اور مسلسل اپنے شوہر سے اسے وہاں سے ہٹانے کا مطالبہ کر رہی تھیں۔ ایک روز گاڑی کی نمبر پلیٹ پر درج ہندسوں کو دیکھ کر انہوں نے انہی نمبروں پر لاٹری کھیلنے کا فیصلہ کیا۔
خاتون ایک سال سے زائد عرصے تک مسلسل انہی نمبروں کے ساتھ 'پِک 5' لاٹری خریدتی رہیں اور بالآخر ان کی قسمت چمک اٹھی، جس کے نتیجے میں انہوں نے 50 ہزار ڈالر کا بڑا انعام جیت لیا۔
خاتون کا کہنا ہے کہ وہ انعام میں ملنے والی رقم کو گھریلو بلوں کی ادائیگی اور اپنے پوتے پوتیوں کی ضروریات پر خرچ کریں گی۔