جاپان میں ایک ایسا منفرد بسکٹ مقبول ہو رہا ہے جو اپنی غیر معمولی ترکیب کے باعث دنیا بھر میں توجہ کا مرکز بنا ہوا ہے۔
جیباچی سنبئی نامی یہ بسکٹ آٹے میں بڑی تعداد میں خشک بھڑ (واسپس) شامل کر کے تیار کیا جاتا ہے جسے مقامی لوگ شوق سے کھاتے ہیں۔ اگرچہ یہ تصور عام خوراک سے مختلف ہے لیکن جاپان میں اسے ایک روایتی اور منفرد اسنیک کے طور پر دیکھا جاتا ہے۔
یہ بسکٹ پہلی بار 2010 کی دہائی کے وسط میں اس وقت خبروں میں آیا جب اومچی جیباچی آئیکوکائی نامی بھڑ کے شوقین افراد کے کلب نے ایک مقامی بیکر کے ساتھ مل کر اسے تیار کیا۔
یہ پروڈکٹ جاپان کے شہر اومچی کے مقامی بازاروں اور چند گورمیٹ اسٹورز پر دستیاب ہے جبکہ کئی سیاح خاص طور پر اسے چکھنے کے لیے یہاں کا رخ کرتے ہیں۔