پاکستان اسٹاک ایکسچینج میں نئی کمپنیوں کی لسٹنگ کا سلسلہ جاری ہے اور رواں سال کی 13 ویں پبلک آفرنگ کی منظوری دے دی گئی ہے۔
سیکورٹیز اینڈ ایکسچینج کمیشن آف پاکستان (ایس ای سی پی) نے نیا ناظم آباد اپارٹمنٹس ریٹ (REIT) کی پبلک آفرنگ کی منظوری دی ہے، جس کے تحت سرمایہ کاروں کو 4 کروڑ 40 لاکھ سے زائد یونٹس پیش کیے جائیں گے۔
اس موقع پر چیئرمین ایس ای سی پی ڈاکٹر کبیر احمد سدھو کا کہنا تھا کہ پبلک آفرنگز میں اضافہ کیپٹل مارکیٹ سے سرمائے کے حصول کے بڑھتے ہوئے رجحان کا عکاس ہے۔
انہوں نے مزید کہا کہ کاروباری اداروں کو طویل مدتی فنانسنگ کی فراہمی کے لیے ایک مستحکم کیپٹل مارکیٹ کا ہونا انتہائی ضروری ہے۔