پاکستان اسٹاک ایکسچینج میں دن بھر تیزی کے بعد کاروبار کا اختتام منفی رجحان پر ہوا۔ کاروباری دن کا آغاز 641 پوائنٹس کی تیزی سے ہوا جبکہ دوران ٹریڈنگ ہنڈریڈ انڈیکس میں 1279 پوائنٹس تک اضافہ بھی دیکھا گیا۔
تاہم آخری کاروباری گھنٹے میں فروخت کے دباؤ کے باعث مارکیٹ منفی زون میں چلی گئی اور 178 ہزار پوائنٹس کی سطح برقرار نہ رہ سکی۔
کاروبار کے اختتام پر ہنڈریڈ انڈیکس 48 پوائنٹس کمی کے بعد 177,323 پوائنٹس پر بند ہوا۔
بروکرز کے مطابق امریکا اور ایران کے درمیان نئے معاہدے کے لیے پاکستان کی کوششوں، آبنائے ہرمز کھلنے کی امید اور کمپنیوں کے اچھے مالی نتائج کے باعث مارکیٹ میں تیزی رہی تاہم رول اوور ویک اور سرمایہ کاروں کے محتاط رویے نے آخری گھنٹے میں فروخت کا دباؤ بڑھا دیا۔