امریکا اور ایران کے درمیان بڑھتی ہوئی کشیدگی کے باعث عالمی سطح پر خام تیل کی قیمتوں میں اضافے کے بعد پاکستان اسٹاک ایکسچینج شدید فروخت کے دباؤ کی زد میں آگئی۔
کاروباری دن کے آغاز پر ہی کے ایس ای 100 انڈیکس میں 947 پوائنٹس کی کمی ریکارڈ کی گئی، جو جلد ہی 1700 سے زائد پوائنٹس کی مندی میں تبدیل ہوگئی۔
اس شدید تلاطم کے نتیجے میں اسٹاک مارکیٹ 1 لاکھ 76 ہزار اور 1 لاکھ 77 ہزار پوائنٹس کی دو اہم نفسیاتی حدیں کھو بیٹھی۔ کاروبار کے دوران 100 انڈیکس 1766 پوائنٹس گر کر 1 لاکھ 74 ہزار 701 پوائنٹس کی سطح پر ٹریڈ کرتا رہا۔