اسلام آباد کے سب سے بڑے سرکاری اسپتال پمز میں جعلی ڈاکٹر بن کر ڈیوٹی کرنے والے ایک نوجوان مظہر منظور مغل کو گرفتار کرلیا گیا ہے۔
ملزم اسپتال کے وارڈ میں ڈاکٹر کا روپ دھارے موجود تھا، جہاں اس کی مشکوک حرکات پر چیکنگ کی گئی تو اس کے جعلی ہونے کا انکشاف ہوا۔
گرفتاری کے وقت ملزم کے قبضے سے اسٹیتھوسکوپ اور میڈیکل آفیسر کی جعلی مہر بھی برآمد ہوئی ہے۔
واقعے کے بعد پولیس نے ملزم کے خلاف قانونی کارروائی شروع کرتے ہوئے مزید تحقیقات کا آغاز کر دیا ہے، جبکہ اس گرفتاری نے اسپتال کی سیکیورٹی اور عملے کی تصدیق کے نظام پر بھی سوالات کھڑے کر دیے ہیں۔