کراچی کے علاقے شاہ فیصل کالونی میں گھر کے اندر بھائی نے فائرنگ کرکے اپنی دو جواں سال بہنوں کو قتل کردیا۔
ایس ایس پی کورنگی کے مطابق ملزم رحیم عرف ڈاکو نے گھریلو تنازع پر فائرنگ کرکے اپنی بہنوں کو قتل کیا۔ جن کی شناخت 25 سالہ صوبیہ دختر فضل ہادی اور 20سالہ حرا دختر فضل ہادی کے ناموں سے ہوئی۔
انھوں نے کہا کہ ملزم رحیم کا کرمنل ریکارڈ سامنے آیا ہے، متعدد بار جیل جا چکا ہے۔ ملزم کے والد کا 5 روز قبل انتقال ہوا تھا۔
ایس ایس پی کورنگی کے مطابق لاشوں کو ضابطے کی کارروائی کے لیے جناح اسپتال منتقل کیا گیا۔