سیکیورٹیز اینڈ ایکسچینج کمیشن آف پاکستان نے کارپوریٹ شفافیت یقینی بنانے کے لیے بڑی کارروائی کرتے ہوئے 28 ہزار 761 کمپنیوں کو حتمی مالکان کی تفصیلات جمع نہ کرانے پر شوکاز نوٹس جاری کردیئے۔
ایس ای سی پی کے مطابق کمپنیز ایکٹ 2017 کے تحت الٹی میٹ بینیفیشل اونر کی تفصیلات فارم 19 کے ذریعے جمع کرانا لازمی ہے۔ 25 فیصد یا اس سے زائد حصص یا ووٹنگ حقوق رکھنے والا یا کمپنی پر براہِ راست یا بالواسطہ مؤثر کنٹرول رکھنے والا شخص حتمی مالک تصور ہوتا ہے۔
متعلقہ کمپنیوں کو فارم 19 جمع کرانے کے لیے 30 روز کی مہلت دی گئی ہے جبکہ مقررہ مدت میں تعمیل نہ کرنے والی کمپنیوں کے خلاف قانونی کارروائی کی جائے گی۔