پاکستان کی بیرونی تجارت میں عدم توازن برقرار ہے، اگست میں تجارتی خسارہ سالانہ بنیاد پر 10 فیصد بڑھ کر 3 ارب 17 کروڑ ڈالر ہوگیا۔
اعداد و شمار کے مطابق اگست میں پاکستان نے 2 ارب 50 کروڑ ڈالر کی برآمدات جبکہ 5 ارب 68 کروڑ ڈالر کی درآمدات کیں۔ جولائی کے مقابلے میں برآمدات اور درآمدات دونوں میں 18 فیصد کمی ریکارڈ کی گئی۔
رواں مالی سال کے پہلے دو ماہ میں پاکستان کی مجموعی برآمدات 5 ارب 46 کروڑ ڈالر جبکہ درآمدات 12 ارب 58 کروڑ ڈالر رہیں۔