سرگودھا کے نواحی علاقے کوٹ مومن میں دوسری بیوی نے تیسری شادی کرنے پر سوئے ہوئے شوہر کے سر پر چارپائی کا پایا مار کر اسے قتل کردیا اور بعد میں خودکشی کرلی۔
پولیس کے مطابق واقعے کی اطلاع ملنے پر ایک گھر سے میاں بیوی کی لاشیں برآمد ہوئیں۔
ترجمان ڈسٹرکٹ پولیس آفیسر کے مطابق مقتول نے پہلی بیوی کو طلاق دینے کے بعد دوسری شادی کررکھی تھی جبکہ ایک ہفتے قبل ہی اس نے تیسری شادی بھی کی، جس کے رنج میں دوسری بیوی نے یہ خوفناک قدم اٹھایا۔
پولیس کی جانب سے معاملے کی ابتدائی تحقیقات مکمل کرلی گئی ہیں۔