فیصل آباد میں تھانہ ڈجکوٹ کے علاقے چک 271 ر ب میں بجلی کا بل ادا نہ کرنے پر ہونے والے جھگڑے کے دوران بھتیجے کی فائرنگ سے چچا جاں بحق جبکہ ایک شخص زخمی ہوگیا۔
پولیس کے مطابق فائرنگ کے نتیجے میں خالد محمود موقع پر ہی جاں بحق جبکہ احسان زخمی ہوگیا۔ لاش اور زخمی کو طبی امداد کے لیے ہسپتال منتقل کردیا گیا۔
واقعے کے بعد ملزم محمد احمد موقع سے فرار ہوگیا، جس کی گرفتاری کے لیے پولیس نے تلاش شروع کردی ہے۔ پولیس کا کہنا ہے کہ واقعے کی مزید تحقیقات جاری ہیں۔