پاکستان کے زرمبادلہ ذخائر میں سوا ارب ڈالر کا اضافہ ہوگیا، جس کے بعد ملکی مجموعی ذخائر 23 ارب 72 کروڑ ڈالر کی سطح پر پہنچ گئے۔
اسٹیٹ بینک کے جاری ہفتہ وار اعداد و شمار کے مطابق مرکزی بینک کے ذخائر 18 ارب 33 کروڑ ڈالر جبکہ کمرشل بینکوں کے ذخائر 5 ارب 39 کروڑ ڈالر ہوگئے۔ زرمبادلہ ذخائر میں اضافے کی بڑی وجہ حکومت کو ملنے والے کمرشل قرضے بتائی گئی ہے۔
ملکی زرمبادلہ ذخائر پانچ سال کی بلند ترین سطح کے قریب پہنچ گئے ہیں، اس سے قبل 2021 میں یہ ذخائر تقریباً 24 ارب ڈالر کی سطح پر تھے۔