مشرق وسطیٰ میں جنگ اور عالمی سطح پر تیل کی قیمتوں میں اضافے کے اثرات پاکستان اسٹاک ایکسچینج پر بھی پڑنے لگے جبکہ شرح سود بڑھنے کے خدشات نے مندی کو مزید گہرا کردیا۔
کاروباری ہفتے کے پہلے روز پاکستان اسٹاک ایکسچینج میں کاروبار کا آغاز 682 پوائنٹس کی مندی سے ہوا۔ دورانِ ٹریڈنگ ہنڈریڈ انڈیکس میں 2 ہزار 900 سے زائد پوائنٹس کی کمی ریکارڈ کی گئی۔
ہنڈریڈ انڈیکس 2 ہزار 965 پوائنٹس گر کر 167546 پوائنٹس پر آگیا جس کے باعث مارکیٹ 170 ہزار اور 169 ہزار پوائنٹس کی دو اہم حدیں بھی گنوا بیٹھی۔
مارکیٹ میں سیمنٹ، انرجی، فرٹیلائزر اور آئل اینڈ گیس کمپنیوں کے شیئرز میں فروخت کا دباؤ برقرار ہے۔