پاکستان اسٹاک ایکسچینج میں ایک روزہ تیزی کے بعد آج کاروبار کا آغاز مندی سے ہوا، سرمایہ کاروں کی جانب سے محتاط رویہ اختیار کیا گیا۔
کاروبار کے آغاز پر ہنڈریڈ انڈیکس میں 240 پوائنٹس کی کمی ریکارڈ کی گئی جس کے بعد مارکیٹ نے 169 ہزار پوائنٹس کی حد بھی گنوا دی۔
بعد ازاں مندی میں مزید اضافہ ہوا اور ہنڈریڈ انڈیکس 450 پوائنٹس کمی کے بعد 168 ہزار 942 پوائنٹس کی سطح پر آ گیا۔
مارکیٹ تجزیہ کاروں کے مطابق سعودی عرب اور حوثیوں کے درمیان جاری کشیدگی اور عالمی سطح پر تیل کی بڑھتی قیمتوں کے باعث سرمایہ کاروں میں تشویش پائی جا رہی ہے جس کے نتیجے میں سرمایہ کار نئی پوزیشنز لینے سے گریز کرتے ہوئے سائیڈ لائن رہنے کو ترجیح دے رہے ہیں۔