کراچی میں مسجد کے باہر نمازی بن کر گاڑیاں چوری کرنے والے 57 سالہ ملزم انصاف کو اینٹی کار لفٹنگ سیل نے گرفتار کرلیا۔
پولیس کے مطابق ملزم نے گاڑی چوری کی پہلی واردات سال 2000 میں کی تھی، جس کے بعد وہ مسلسل گاڑیوں کی چوری میں ملوث رہا۔ ملزم کراچی سے چوری کی گئی گاڑیاں کوئٹہ اور بلوچستان لے جا کر فروخت کرتا تھا۔
پولیس کا کہنا ہے کہ چند روز قبل گلشن اقبال کی ایک مسجد کے باہر بھی ملزم کو گاڑی چوری کرتے دیکھا گیا تھا۔ ملزم کا 23 سال پرانا مجرمانہ ریکارڈ بھی سامنے آیا ہے اور وہ 15 سے زائد مقدمات میں پولیس کو مطلوب تھا۔