جناح انٹرنیشنل ایئرپورٹ پر کسٹمز نے دو مختلف کارروائیوں کے دوران دبئی سے آنے والے دو مسافروں کے قبضے سے 75 لاکھ روپے مالیت کے 18 آئی فون پرو میکس برآمد کرلیے۔
ترجمان پاکستان کسٹمز کے مطابق دونوں مسافر ایمریٹس کی پروازوں کے ذریعے دبئی سے کراچی پہنچے تھے۔ ایئرپورٹ پر سامان کی اسکیننگ کے دوران کسٹمز حکام کو آئی فونز کے خالی ڈبے نظر آئے، جس پر شک گزرنے پر مسافروں کی جسمانی تلاشی لی گئی۔ تلاشی کے دوران ایک مسافر سے 5 اور دوسرے سے 13 آئی فون پرو میکس برآمد ہوئے۔
پاکستان کسٹمز نے تمام برآمد شدہ موبائل فونز کو کسٹمز ایکٹ کے تحت اپنے قبضے میں لے کر ضبط کرلیا ہے اور معاملے کی مزید قانونی کارروائی جاری ہے۔