سیکیورٹیز اینڈ ایکسچینج کمیشن آف پاکستان (ایس ای سی پی) نے ریگولیٹرز اور سیکیورٹی اداروں کے لیے ٹارگٹڈ فنانشل سینکشنز (ٹی ایف ایس) گائیڈ بک جاری کردی ہے۔
کراچی میں جاری کردہ اس گائیڈ بک میں صارفین اور حقیقی مالکان کی اسکریننگ کے عملی طریقوں کو شامل کیا گیا ہے۔ گائیڈ بک میں ممکنہ میچ کی جانچ، اثاثے فوری منجمد کرنے اور بروقت رپورٹنگ کی واضح ہدایات موجود ہیں۔
ایس ای سی پی نے اداروں پر زور دیا ہے کہ وہ مالیاتی نظام کے تحفظ اور مالی خدمات کے غلط استعمال کی روک تھام کے لیے واضح طریقہ کار، باقاعدہ اسکریننگ اور مؤثر کمپلائنس کنٹرولز اپنائیں۔
یہ گائیڈ بک ایس ای سی پی اور نیکٹا کے مشترکہ آگاہی سیشنز کے بعد جاری کی گئی ہے۔