پاکستان اسٹاک ایکسچینج میں جمعے کے روز کاروبار کے دوران خریداری کا رجحان غالب رہا، جس کے باعث دوسرے کاروباری سیشن میں کے ایس ای 100 انڈیکس 255 پوائنٹس اضافے کے ساتھ 166,441 پوائنٹس کی سطح پر ٹریڈ کرتا رہا۔
آٹوموبائل، سیمنٹ، کمرشل بینکوں، تیل و گیس، آئل مارکیٹنگ کمپنیوں، بجلی کی پیداوار اور ریفائنریوں کے شعبوں میں خریداری دیکھی گئی۔ اے آر ایل، حبکو، ماری، پی او ایل، پی پی ایل، پی ایس او، ایچ بی ایل، ایم سی بی، ایم ای بی ایل اور یو بی ایل کے حصص بھی مثبت زون میں رہے۔
دوسری جانب ایف بی آر نے ٹیکس سال 2026 کے انکم ٹیکس گوشوارے جمع کرانے کی آخری تاریخ میں توسیع کرتے ہوئے 31 اکتوبر 2026 مقرر کردی، جس سے ٹیکس دہندگان کو مزید دو ہفتے مل گئے۔