بین الاقوامی منڈیوں میں جمعہ کو کاروباری ہفتے کے آخری روز خام تیل اور بیشتر زرعی اجناس کی قیمتوں میں کمی کا رجحان رہا۔
بلومبرگ کی رپورٹ کے مطابق امریکی ویسٹ ٹیکساس انٹرمیڈیٹ (WTI) کے تحت خام تیل کے مستقبل کے سودے 0.48 ڈالر کی کمی کے بعد 97.49 ڈالر فی بیرل جبکہ برینٹ کروڈ کے سودے 0.49 ڈالر گھٹ کر 105.43 ڈالر فی بیرل میں طے پائے۔
زرعی اجناس میں مکئی کی قیمت 0.25 ڈالر کی کمی کے بعد 477.75 ڈالر فی بشل پر آگئی، تاہم گندم کی قیمت میں 4.50 ڈالر کا اضافہ ریکارڈ کیا گیا جس کے بعد یہ 665.50 ڈالر فی بشل ہوگئی۔
اس کے علاوہ کاٹن کی قیمت بھی 0.16 ڈالر بڑھ کر 80.22 ڈالر کی سطح پر پہنچ گئی۔