پاکستان اسٹاک ایکسچینج میں منگل کو کاروبار کے آغاز پر تیزی کا رجحان رہا جہاں کے ایس ای 100 انڈیکس 141.53 پوائنٹس اضافے کے بعد ایک لاکھ 62 ہزار 107.61 پوائنٹس پر پہنچ گیا۔
بعد ازاں کاروبار میں مزید تیزی دیکھی گئی اور ہنڈریڈ انڈیکس 406 پوائنٹس اضافے کے بعد ایک لاکھ 66 ہزار 372 پوائنٹس کی سطح پر بھی پہنچا۔
کاروبار کے ابتدائی سیشن میں 11 کروڑ 63 لاکھ 20 ہزار حصص کا لین دین ہوا، جن کی مجموعی مالیت 5.33 ارب روپے ریکارڈ کی گئی۔
ابتدائی سیشن میں 233 کمپنیوں کے حصص کی قیمتوں میں اضافہ، 201 میں کمی جبکہ 135 کمپنیوں کے حصص کی قیمتیں مستحکم رہیں۔
حجم کے لحاظ سے سینرجیکو پی کے لمیٹڈ، پاکستان ریفائنری لمیٹڈ اور کے الیکٹرک نمایاں رہے، جبکہ پیراماؤنٹ اسپننگ ملز، ازگارڈ نائن کے نان ووٹنگ حصص اور یونی کیپ مضاربہ نمایاں اضافے والی کمپنیوں میں شامل رہیں۔