بھارتی کامیڈین اور بگ باس 17 کے فاتح منور فاروقی اپنی اہلیہ کے ہمراہ معروف سوشل میڈیا اسٹار فیصل شیخ المعروف مسٹر فیصل کی شادی کے استقبالیے میں شریک ہوئے جہاں دونوں کی ویڈیو سوشل میڈیا پر سامنے آگئی۔
ویڈیو میں منور فاروقی کو اپنی اہلیہ کے ساتھ تقریب میں پہنچتے اور خوشگوار موڈ میں دیکھا جاسکتا ہے۔ ان کی ایک ساتھ تقریب میں آمد نے مداحوں کی توجہ حاصل کرلی، جبکہ سوشل میڈیا صارفین کو بھی دونوں کی جھلک دیکھنے کا موقع ملا۔
واضح رہے کہ منور فاروقی بھارت کے معروف اسٹینڈ اپ کامیڈین ہیں اور بگ باس 17 جیتنے کے بعد ان کی مقبولیت میں مزید اضافہ ہوا جبکہ مسٹر فیصل بھی اپنے ڈیجیٹل مواد اور سوشل میڈیا ویڈیوز کے باعث بڑی تعداد میں مداح رکھتے ہیں۔