پاکستان اسٹاک ایکسچینج میں بدھ کو کاروبار کے آغاز پر خریداری کا رجحان لوٹ آیا، جہاں 100 انڈیکس میں ایک ہزار سے زائد پوائنٹس کا اضافہ ریکارڈ کیا گیا۔
صبح 9 بج کر 58 منٹ پر بینچ مارک انڈیکس 1,024.37 پوائنٹس اضافے کے بعد 166,176.01 پوائنٹس پر پہنچ گیا، جو گزشتہ بندش کے مقابلے میں 0.62 فیصد اضافہ ہے۔
آٹو موبائل، سیمنٹ، کمرشل بینکنگ، تیل و گیس کی تلاش، آئل مارکیٹنگ اور بجلی پیدا کرنے کے شعبوں میں خریداری دیکھی گئی۔ اے آر ایل، حبکو، ماری، او جی ڈی سی، پی پی ایل، پول، ایس ایس جی سی، ایس این جی پی ایل، ایچ بی ایل، ایم ای بی ایل، این بی پی اور یو بی ایل کے حصص بھی مثبت زون میں رہے۔
واضح رہے کہ گزشتہ روز اسٹاک مارکیٹ میں مندی رہی تھی اور کے ایس ای 100 انڈیکس 814.44 پوائنٹس کمی کے بعد 165,151.64 پوائنٹس پر بند ہوا تھا۔