جرمنی کی ٹوبنگن یونیورسٹی کی ایک تحقیق میں انکشاف ہوا ہے کہ کوے انسانوں اور بندروں سے دگنا زیادہ تیزی سے فیصلے کرنے کی صلاحیت رکھتے ہیں۔
تجربات سے معلوم ہوا کہ کوؤں کو بصری اشاروں کو دیکھ کر فیصلہ کرنے میں محض 235 ملی سیکنڈ کا وقت لگتا ہے، جو پلک جھپکنے سے بھی کم وقت ہے۔
تحقیق کے دوران کوؤں کو ٹچ اسکرین پر حرکت کرنے والے نقطوں کی سمت کا تعین کرنے کا کہا گیا، اور مشکل ترین حالات میں بھی انہوں نے انتہائی درستگی کا مظاہرہ کیا۔
سائنسدانوں کے مطابق کوؤں کا دماغ ممالیہ جانوروں کی طرح کام کرتا ہے، حالانکہ ان کی دماغی ساخت بالکل مختلف ہوتی ہے۔
اس سے قبل مئی 2024 کی ایک تحقیق میں یہ بھی ثابت ہو چکا ہے کہ کوے ایک سے چار تک بلند آواز میں گنتی کرنے کی صلاحیت بھی رکھتے ہیں۔