طیارہ حادثہ: جاں بحق افراد کی تعداد 97 ہو گئی

کراچی: طیارہ حادثے میں جاں بحق ہونے والے افراد کی تعداد 97 ہو گئی ہے۔ اس بات کی تصدیق حکومت سندھ کے محکمہ صحت نے کی ہے۔ صوبائی محکمہ صحت نے تصدیق کی ہے کہ دو زخمی اسپتالوں میں زیر علاج ہیں۔

ہم نیوز کے مطابق صوبائی محکمہ صحت کا کہنا ہے کہ جناح اسپتال میں 66 اور سول اسپتال میں 31 نعشیں لائی گئی ہیں۔

حکومت سندھ کے محکمہ صحت کا کہنا ہے کہ طیارہ حادثے میں جاں بحق ہونے والے 19 افراد کی نعشوں کی شناخت کرلی گئی ہے۔

ہم نیوز نے اس ضمن میں بتایا ہے کہ جن نعشوں کی شناخت کی گئی ہے ان میں محمد طاہر، فریحہ بتول،  فریال بیگم اور سیدہ سیما عمران شامل ہیں۔

حکومت سندھ کے محکمہ صحت کے مطابق  کیپٹن سجاد، فرہان، دلشاد احمد، شہید محمود احمد اور ندا وقاص کی نعشوں کی شناخت کا عمل بھی مکمل ہو گیا ہے۔

ہم نیوز کے مطابق عمار راشد، شہناز پروین، شعیب رضا، وقاص طارق، اقرا شاہد، بالاچ خان، آصف فیاض اور سید دانش شاہ کی نعشوں کو بھی شناخت کر لیا گیا ہے۔

چیئرمین پی آئی اے نے چند گھنٹے قبل بتایا تھا کہ طیارہ حادثے میں جاں بحق ہونے والے چھ افراد کی میتیں شناخت کے بعد ان کے ورثا کے حوالے کردی گئی ہیں۔

طیارہ حادثہ: حکومت نے تحقیقاتی کمیٹی تشکیل دے دی

کراچی پولیس نے حادثے میں جاں بحق ہونے والے افراد کی شناخت کا عمل مکمل کرانے کے لیے خصوصی ٹیم بھی تشکیل دی ہے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

111