کچھ عناصر چاہتے تھے کہ پی ایس ایل دبئی منتقل ہو جائے اور۔۔۔سابق کپتان سلمان بٹ نے تہلکہ خیز انکشاف کر دیا

لاہور (ویب ڈیسک) پاکستان کرکٹ ٹیم کے سابق کپتان سلمان بٹ نے کہا ہے کہ کچھ عناصر چاہتے تھے کہ پاکستان سپر لیگ (پی ایس ایل) پاکستان سے نکل کر ایک مرتبہ پھر واپس متحدہ عرب امارات (یو اے ای) منتقل ہو جائے جس میں ان کے ذاتی مفاد پوشیدہ ہیں۔ تفصیلات کے مطابق نجی ٹی وی سے گفتگو کرتے ہوئے سلمان بٹ نے کہا کہ اب پی ایس ایل کے بقیہ میچز یو اے ای منتقل ہونے کی باتیں بھی ہونے لگی ہیں حالانکہ دیکھا جائے تو وہاں ٹی 10 لیگ اور انڈین پریمیرلیگ (آئی پی ایل) کا انعقاد ہوا اور اس دوران پورا ہوٹل بک تھا جس میں تمام ٹیمیں ٹھہریں اور اس ہوٹل کا پورا سٹاف بھی بائیو سیکیور ببل کا حصہ رہا جس کے باعث کسی بھی مسئلے کے بغیر لیگز کا انعقاد ممکن ہو سکا اور یہی کچھ پاکستان میں بھی کیا جا سکتا تھا، لیکن اگر یو اے ای میں یہ سب کچھ کرنا ہے تو اس پر اضافی اخراجات بھی ہوں گے۔ انہوں نے کہا کہ کچھ ذرائع سے ہمیں اس خدشے سے متعلق معلوم ہوا کہ کچھ لوگ پی ایس ایل کو دبئی منتقل کرنا چاہتے ہیں، معلوم نہیں

کہ اس کے پیچھے مقصد کیا ہے اور ان خبروں کی کتنی سچائی ہے اور ایسا کون چاہتا ہے لیکن ایسا محسوس ہو رہا ہے کہ کوئی ذاتی مفادات کی خاطر ایسا کرنا چاہتا ہے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

77