وزیراعلیٰ بلوچستان اکثریت کی حمایت کھوچکے ہیں، ظہور بلیدی

image

بلوچستان عوامی پارٹی کے رہنما ظہور بلیدی کا کہنا ہے کہ وزیراعلیٰ بلوچستان جام کمال کے استعفیٰ کے خواہشمند اراکین اسمبلی کے آج کے اجلاس میں 36 اراکین شریک ہوئے جبکہ مزید 4 اراکین کل تک کوئٹہ پہنچ جائیں گے۔

ظہور بلیدی کا کہنا ہے کہ جام کمال کا دعویٰ ہے کہ ان کے نمبر پورے ہیں تاہم وزیراعلیٰ بلوچستان اکثریت کی حمایت کھوچکے ہیں اور آج ان کے تمام دعوے جھوٹے ثابت ہوئے۔

صوبہ میں حکمران جماعت بی اے پی سے تعلق رکھنے والے اراکین اسمبلی کا کہنا تھا کہ اجلاس میں شریک تمام اراکین کی خواہش ہے کہ وزیراعلیٰ جام کمال مستعفی ہوجائے۔

رکن بلوچستان اسمبلی اسدبلوچ کا کہنا تھا کہ جام کمال کل تک اسعفیٰ دیں تاکہ عدم اعتماد کی نوبت نہ آئے جبکہ نصراللہ زیرے کا کہنا تھا کہ اس وقت صوبے میں حکومت نام کی کوئی چیز نہیں ہے۔

دوسری جانب وزیراعلیٰ بلوچستان جام کمال کا کہنا ہے کہ اپوزیشن کے چند ممبران اپنے عزائم میں کامیاب نہیں ہوں گے کیونکہ ان کا اصل مقصد بلوچستان کو تباہی کی طرف لے جانا ہے۔


News Source   News Source Text

WATCH LIVE NEWS

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.