گذشتہ روز ایک تصویر وائرل ہوئی جس میں ایک بچے کی نئی تصویر ہے اور ایک بچی کی پرانی تصویر ہے ۔ اور ان تصویروں کو دیکھ کر محسوس یہ ہوتا ہے کہ ان میں ضرور کوئی نہ کوئی تعلق موجود ہے کیونکہ بچوں میں ایک دوسرے کی خاصی مشابہت موجود ہے۔
ان تصویروں کے ساتھ ایک کیپشن بھی موجود ہے جس سے یہ پتہ چلا کہ یہ کون بچے ہیں اور یقیناً آپ بھی یہ جان کر حیران ہو جائیں گے کہ یہ مشہور اداکارہ نادیہ جمیل کے بچپن کی تصویر ہے۔ اور دوسری نئی تصویر ان کے گود لئے ہوئے بچے کی ہے جسے انہوں نے حال ہی میں گود لیا ہے۔ نادیہ جمیل جانی پہچانی مشہور اداکارہ اور ہوسٹ بھی ہیں ان کے دو بیٹے بھی ہیں ۔ اپریل 2020 میں ان کو بریسٹ کینسر تشخیص ہوا جس کے بعد اس کا علاج اور کیموتھراپی کے بعد اب نادیہ صحت مند ہیں۔ نادیہ جمیل گذشتہ بیس سالوں سے تھیٹر اور ٹی وی ڈراموں سے وابستہ ہیں ۔ بہت کم کام کرتی ہیں لیکن اپنی جاندار اداکاری سے کردار میں جان ڈالنے کا فن جانتی ہیں۔
کینسر سے صحت یابی کے بعد نادیہ جمیل نے ایک بچے کو گود لیا ہے اور وہ بہت خوش ہیں۔ اور اب انہوں نے اس بچے کے ساتھ اپنی تصویر شئیر کی ہے اور نیچے لکھا ہے کہ " میری بہت ساری دوستیں جنہوں نے بچوں کو ایڈاپٹ کیا ہے ان کا کہنا ہے کہ ان کے وہ بچے جسمانی طور پر ان سے مشابہت رکھتے ہیں ۔۔ اور یہ اس کی زندہ مثال ہے"
ان کا کہنا تھا کہ ان کی جن دوستوں نے بچے ایڈاپٹ کیے ہیں وہ بچے شکل صورت میں بھی ان سے مشابہہ ہو جاتے ہیں اور اس کے لئے انہوں نے اپنے بچپن کی اور نئے گود لئے جانے والے بچے کی تصویرشئیر کی جس میں ان دونوں میں واقعی بہت مشابہت نظر آرہی ہے۔