پاکستان اسٹاک ایکسچینج میں کاروباری ہفتے کے پہلے روز مثبت پیش رفت دیکھی گئی، جہاں کاروبار کا آغاز 774 پوائنٹس کی تیزی کے ساتھ ہوا۔
دورانِ ٹریڈنگ مارکیٹ میں زبردست تجارتی سرگرمی کے باعث ہنڈریڈ انڈیکس میں ایک ہزار سے زائد پوائنٹس کا اضافہ دیکھا گیا اور انڈیکس نے 181,000 پوائنٹس کی حد کو دوبارہ حاصل کر لیا۔ تاہم، کاروبار کے اختتام پر انڈیکس اس سطح کو برقرار رکھنے میں ناکام رہا۔
تجارتی سیشن کے اختتام پر کے ایس ای 100 انڈیکس (KSE-100 Index) 398 پوائنٹس کے اضافے کے ساتھ 180,502 پوائنٹس پر بند ہوا۔
مارکیٹ کے مختلف شعبوں کی کارکردگی کے مطابق آئل اینڈ گیس اور ریفائنری سیکٹر کے شیئرز میں خریداری کا رجحان نمایاں رہا، جبکہ بینکنگ، سیمنٹ اور فرٹیلائزر کے شعبوں میں فروخت کا دباؤ دیکھنے میں آیا۔