پاکستان اسٹاک ایکسچینج میں پہلے سیشن کا اختتام 669 پوائنٹس کی مندی پر ہوا۔ ہنڈریڈ انڈیکس 168,197 پوائنٹس پر بند ہوا۔
کاروبار کے آغاز پر مارکیٹ 1116 پوائنٹس نیچے گئی جبکہ دورانِ ٹریڈنگ مندی 2700 سے زائد پوائنٹس تک پہنچ گئی۔ بعد ازاں مارکیٹ میں 2100 پوائنٹس کی ریکوری ہوئی اور 167,000 اور 168,000 پوائنٹس کی حدیں بحال ہوگئیں۔
بروکرز کے مطابق آئل اینڈ گیس کمپنیوں کے شیئرز میں خریداری کے باعث مارکیٹ میں ریکوری دیکھی گئی، تاہم مشرق وسطیٰ کی کشیدہ صورتحال اور تیل کی قیمتوں میں اضافے کے باعث دباؤ برقرار رہا۔