مقامی اور عالمی منڈی میں سونے اور چاندی کی قیمتوں میں بڑا اضافہ

مقامی اور عالمی صرافہ مارکیٹ میں سونے اور چاندی کی قیمتوں میں بڑا اضافہ ہوا ہے۔

آل پاکستان صرافہ جیمز اینڈ جیولرز ایسوسی ایشن کے مطابق جمعہ کو 24 کیرٹ فی تولہ سونا 6,900 روپے کے اضافے کے بعد 460,336 روپے کا ہوگیا ہے۔

24 کیرٹ 10 گرام سونے کی قیمت 5,914 روپے بڑھ کر 394,663 روپے تک پہنچ گئی ہے۔ اسی طرح 22 کیرٹ 10 گرام سونا 5,423 روپے کے اضافے کے ساتھ 361,787 روپے میں فروخت ہو رہا ہے۔

عالمی مارکیٹ میں بھی فی اونس سونا 69 ڈالر کے اضافے کے بعد 4,378 ڈالر پر پہنچ گیا ہے۔

24 کیرٹ فی تولہ چاندی 300 روپے کے اضافے سے 7,169 روپے اور 10 گرام چاندی 257 روپے کے اضافے سے 6,146 روپے کی ہوگئی ہے۔

بین الاقوامی مارکیٹ میں فی اونس چاندی 3.00 ڈالر اضافے کے ساتھ 66.91 ڈالر ریکارڈ کی گئی۔