مشرقِ وسطیٰ میں تنازع بڑھنے کے خدشات کے باعث پاکستان اسٹاک ایکسچینج میں جمعرات کو فروخت کا دباؤ غالب رہا جس کے نتیجے میں بینچ مارک کے ایس ای 100 انڈیکس 2 ہزار سے زائد پوائنٹس کی کمی کے بعد منفی زون میں بند ہوگیا۔
تفصیلات کے مطابق کاروباری دن کا آغاز تیزی کے ساتھ ہوا اور دورانِ ٹریڈنگ ہنڈرڈ انڈیکس 166,180.32 پوائنٹس کی سطح پر پہنچ گیا تاہم بعد ازاں مارکیٹ مسلسل فروخت کے دباؤ کا شکار ہوگئی۔
کاروبار کے دوران انڈیکس میں اتار چڑھاؤ جاری رہا لیکن مجموعی طور پر مندی کا رجحان غالب رہا۔ دوپہر کے وقت معمولی بحالی بھی برقرار نہ رہ سکی اور انڈیکس 163,782.41 پوائنٹس کی کم ترین سطح تک گر گیا۔
کاروبار کے اختتام پر کے ایس ای 100 انڈیکس 2,006.67 پوائنٹس یعنی 1.21 فیصد کمی کے بعد 163,924.31 پوائنٹس پر بند ہوا۔
مشرقِ وسطیٰ میں کشیدگی بڑھنے کے خدشات کے باعث سرمایہ کاروں میں محتاط رویہ دیکھا گیا جس کے نتیجے میں مارکیٹ میں فروخت کا دباؤ برقرار رہا۔