Bachay Ki Dua ( Makhooz ) - Bachon Ke Liye

Lab Pay Aati Hai Dua Ban Ke Tamanna Meri
Zindagi Shama Ki Soorat Ho Khudaaya Meri

Daur Duniya Ka Marey Dam Se Andhera Ho Jaye
Har Jagah Mere Chamaknay Se Ujala Ho Jaye

Ho Marey Dam Se Yuhin Mere Watan Ki Zeenat
Jis Terhan Phool Se Hoti Hai Chaman Ki Zeenat

Zindagi Ho Meri Parwanay Ki Soorat Ya Rab
Ilm Ki Shama Se Ho Mujh Ko Mohabbat Ya Rab

Ho Mra Kaam Ghareebon Ki Himayat Karna
Dardmandon Se Zaeefon Se Mohabbat Karna

Marey Allah ! Buraiee Se Bachana Mujh Ko
Naik Jo Raah Ho Is Reh Pay Chalana Mujh Ko