Add Poetry

Ashaar Mere Yun To Zamane Ke Liye Hain

Poet: JAAN NISAR AKHTAR By: Khawaja Mussadiq Rafiq, Karachi

Ash.ar Mire Yuun To Zamane Ke Liye Hain
Kuchh Sher Faqat Un Ko Sunane Ke Liye Hain

Ab Ye Bhi Nahin Thiik Ki Har Dard Mita Den
Kuchh Dard Kaleje Se Lagane Ke Liye Hain

Socho To BaḌi Chiiz Hai Tahzib Badan Ki
Varna Ye Faqat Aag Bujhane Ke Liye Hain

ankhon Men Jo Bhar Loge To Kanton Se Chubhenge
Ye ḳhvab To Palkon Pe Sajane Ke Liye Hain

Dekhūn Tire Hathon Ko To Lagta Hai Tire Haath
Mandir Men Faqat Diip Jalane Ke Liye Hain

Ye Ilm Ka Sauda Ye Risale Ye Kitaben
Ik Shaḳhs Ki Yadon Ko Bhulane Ke Liye Hain

 

Rate it:
Views: 1429
23 Sep, 2019
More Jan Nisar Akhtar Poetry
Popular Poetries
View More Poetries
Famous Poets
View More Poets