آنکھ سوئے فلک رکھی ہوئی ہے
Text size
آنکھ سوئے فلک رکھی ہوئی ہے
دل میں کیسی کسک رکھی ہوئی ہے
زندگی کے اجاڑ رستوں میں
حادثوں کی مہک رکھی ہوئی ہے
تُو مجھے ڈھونڈ لے اندھیرے میں
مجھ میں اِتنی چمک رکھی ہوئی ہے
بادلوں سی گداز لڑکی میں
بجلیوں سی کڑک رکھی ہوئی ہے
احتمالِ شکستگی ہے بہت
مجھ میں کم کم لچک رکھی ہوئی ہے
لفظ کو آئنہ بنایا ہے
اِس میں اپنی جھلک رکھی ہوئی ہے
بیت بحثی میں آج یاور سے
جییتنے کی للک رکھی ہوئی ہے