جنون شوق میں آداب رقص وحشت کیا

Poet: مہدی By: مہدی, Hazara

جنون شوق میں آداب رقص وحشت کیا
شکستہ پاؤں کو پازیب شان و شوکت کیا

ہم اپنے آپ میں رہتے نہیں ہیں دم بھر کو
ہمارے واسطے دیوار و در کی زحمت کیا

بڑے وثوق سے آشفتہ سر یہ پوچھتے ہیں
دیار رنج و محن میں ہماری وقعت کیا

یہ دور جہل ہے مدح و ثنائے ظلمت کر
زبان خامہ سے توصیف اہل حکمت کیا

جو رنگ لائے تو بہتر وگرنہ دفن کرو
لہو لہو ہے مرا خوں بہا کی قیمت کیا

متاع صبر و تحمل کو دونوں ہاتھوں سے
لٹانے ہم جو چلے ہیں تو اتنی حیرت کیا

Rate it:
Views: 2
16 Nov, 2026
More Ahmar Nadeem Poetry