سہل یوں راہ زندگی کی ہے

Poetفیض احمد فیض Submitted byAsher
Text size

سہل یوں راہ زندگی کی ہے
ہر قدم ہم نے عاشقی کی ہے

ہم نے دل میں سجا لیے گلشن
جب بہاروں نے بے رخی کی ہے

زہر سے دھو لیے ہیں ہونٹ اپنے
لطف ساقی نے جب کمی کی ہے

تیرے کوچے میں بادشاہی کی
جب سے نکلے گداگری کی ہے

بس وہی سرخ رو ہوا جس نے
بحر خوں میں شناوری کی ہے

جو گزرتے تھے داغؔ پر صدمے
اب وہی کیفیت سبھی کی ہے

Related tags on Parveen Shakir poetry

More Faiz Ahmed Faiz Poetry

Copied