میرا جسم میری مرضی
Poet: Bushra Babar By: Bushra Babar, islamabad نا ہی تیرا جسم ہے نا ہی تیری مرضی ہے
یہ جسم بھی اُسی کا ہے اور مرضی بھی اسی کی ہے
دل جب صاف ہوتا ہے تبی دل پاک ہوتا ہے
روح جب پاک ہو جائے تب جسم پہ پردا ہوتا ہے
ہم اُسی رب کے بندے ہیں جس کے در پہ پلتے ہیں
تو جسم بھی اُسی کا ہے اور مرضی بھی اُسی کی ہے
یہ سانسوں کی روانی ہےاور موت بھی تو آنی ہے
خداوند نے پوچھا ہے اور نہ ہی تم سے پوچھے گا
یہ اُس کی بادشاہی ہےاور وہ ہی خالق و مالک ہے
تو یہ جسم بھی اُسی کا ہے اور مرضی بھی اُسی کی ہے
اِسی مٹی سے آئے تھے اِسی میں واپس جاو گے
تو کیا تمھارا جسم ہے اور کیا تمہاری مرضی ہے
یہاں کل سب اُسی کا تھا یہاں آج بھی سب اُسی کا ہے
تو یہ جسم بھی اُسی کا ہے اور مرضی بھی اُسی کی ہے
یہ جسم جسم نہ کرنا یہ جسم بھی تو خاکی ہے
یہ سانس آنی جانی ہے اور روح بھی تو فانی ہے
تو نہ ہی جسم تمہارا ہے نہ ہی مرضی تمہاری ہے
یہ جسم بھی اُسی کا ہے اور مرضی بھی اُسی کی ہے
یہاں کسی کی بھی نہیں چلتی نہ وہ چلنے دیتا ہے
اُسی کی بادشاہی ہے اور اُسی کا نظام چلتا ہے
وہی تو سب کا خالق ہےاور وہی سب کا مالک ہے
تو یہ جسم بھی اُسی کا ہے اور مرضی بھی اُسی کی ہے
فہم و گماں سے آگے ہے رتبہ حسینؑ کا
قرآن کے ورق بولیں شبّرؑ کے نام پر
محشر میں ذکر ہوگا یہ خطبہ حسینؑ کا
دریا نے پیاس دیکھی، جھجک کر رُک گیا
سایہ بھی زیرِ زخم تھا قبضہ حسینؑ کا
باطل ہو یا ستم ہو، قدم نہ ڈگمگائے
قائم ہے آج تک بھی وہ وعدہ حسینؑ کا
نیزے پہ بھی زباں تھی، تلاوتیں ہوئیں
کانوں نے خود سنا ہے وہ لہجہ حسینؑ کا
بکھری تھیں لاشگاہ میں قربانیاں بہت
پر سب سے خاص منظر تھا سجدہ حسینؑ کا
تاریخ نے دکھایا ہے سچ کا یہ علم بھی
ہر دل پہ راج کرتا ہے کنبہ حسینؑ کا
جنت کا در جو کھلتا ہے در پر حسینؑ کے
اللہ نے دیا ہے یہ رتبہ حسینؑ کا
مظہرؔ لکھو عقیدت سے حرفوں کے چراغ
دل کہہ رہا ہے سارا ہے صدقہ حسینؑ کا
وہی مشکل گھڑی میں صاحبِ کامل مسلمان نکلے
جنہیں الزام دے کر اہلِ محرابوں نے دھتکارا
وہی حق کی حفاظت میں کھڑے کوہِ گراں نکلے
جنہیں بدنام کر کے شہر بھر میں شور برپا تھا
وہی باطل کے آگے بن کے سیلابِ رواں نکلے
جنہیں سمجھا گیا تھا بے عمل اور بے خبر لوگ
وہی میدانِ حق میں صف شکن مردِ جواں نکلے
جنہیں فتووں کی آندھی نے مٹانے کی ٹھانی تھی
وہی تاریخ کے اوراق میں روشن نشاں نکلے
جنہیں دنیا نے سمجھا تھا فقط خاموش رہنے والے
وہی طوفان بن کر ظلم کے آگے بیاں نکلے
مظہرؔ یہ بھی زمانے کی عجب تقدیر دیکھی ہے
جو سچے تھے وہی آخر میں اہلِ امتحاں نکلے
جب لفظ ساتھ چھوڑ جائیں
جب آنکھ فقط نمی بولے
جب لب خالی رہ جائیں
کیا صرف سجدہ کافی ہے؟
کیا تُو سنے گا وہ آواز
جو کبھی ہونٹوں تک نہ آئی؟
جو دل میں گونجتی رہی
خاموشی میں، بے صدا؟
میرے سجدے میں شور نہیں ہے
صرف ایک لرزتا سکوت ہے
میری دعا عربی نہیں
صرف آنسوؤں کا ترجمہ ہے
میری تسبیح میں گنتی نہیں
صرف تڑپ ہے، فقط طلب
اے وہ جو دلوں کے رازوں کا راز ہے
میں مانگتا نہیں
فقط جھکتا ہوں
جو چاہا، چھن گیا
جو مانگا، بکھر گیا
پر تُو وہ ہے
جو بکھرے کو سنوار دے
اور چھن جانے کو لوٹا دے
تو سن لے
میری خاموشی کو
میری نگاہوں کی زبان کو
میرے خالی ہاتھوں کو
اپنی رحمت کا لمس عطا کر
کہ میں فقط دعاؤں کا طالب ہوں
اور وہ بھی بس تیرے در سے
سخاوت عثمان اور علی کی شجاعت مانگ رہے ہیں
بے چین لوگ سکون دل کی خاطر
قرآن جیسی دولت مانگ رہے ہیں
بجھے دل ہیں اشک بار آ نکھیں
درِ مصطفیٰ سے شفاعت مانگ رہے ہیں
سرتاپا لتھڑے ہیں گناہوں میں
وہی عاصی رب سے رحمت مانگ رہے ہیں
رخصت ہوئی دل سے دنیا کی رنگینیاں
اب سجدوں میں صرف عاقبت مانگ رہے ہیں
بھٹکے ہوئے قافلے عمر بھر
تیری بارگاہ سے ہدایت مانگ رہے ہیں
بروز محشر فرمائیں گے آقا یارب
یہ گنہگار تجھ سے مغفرت مانگ رہے ہیں
آنکھوں میں اشک ہیں ، لبوں پر دعا ہے
جنت میں داخلے کی اجازت مانگ رہے ہیں
ہر دور کے مومن اس جہاں میں سائر
اصحاب محمدجیسی قسمت مانگ رہے ہیں
