نعت رسولﷺ
Poet: wasim ahmad moghal By: wasim ahmad moghal, lahoreآؤ پیارے نبی کی بات کریں
دوستو کچھ وحی کی بات کریں
جس نے آگاہ ہم کو رب سے کیا
صاحبِ آگہی کی بات کریں
جس نے روشن کئے دلوں کے چراغ
کچھ تو اُس روشنی کی بات کریں
آدمیّت ہے جس نے سکھلائی
کیوں نہ اُس آدمی کی بات کریں
جس کے چرچے ہیں دو جہانوں میں
حق تویہ ہے اُسی کی بات کریں
ہر طرف موت ہی کے سائے ہیں
دوستو زندگی کی بات کریں
جس نے سب کچھ لُٹا دیا ہم پر
ہم بھی اب اُس غنی کی بات کریں
جس نے غیروں کی جھولیاں بھر دیں
کچھ توایسے سخی کی بات کریں
جس نے ایماں سے مالا مال کیا
ہاں اسی ہاشمی کی بات کریں
وہ جو رحمت بنا کے بھیجا گیا
سب اسی یثربی کی بات کریں
جس نےپتھر دلوں کو موم کیا
لہجہءِ شبنمی کی بات کریں
جس نے ٹُوٹے دلوں کو جوڑ دیا
آپ اُس دلبری کی بات کریں
وہ جو لے جائے سیدھا جنت میں
ہم تو اُس رہبری کی بات کریں
وہ جو ہر ظلم کے خلاف لڑا
اُسی مردِ جری کی بات کریں
وہ جو ہر طرح سے مثالی ہے
سرورِ عالمی کی بات کریں
جس کےاخلاق سب سے اعلیٰ ہیں
ہم تواس آدمی کی بات کریں
وہ جو رب کو عزیز ہے یارو
آپ کی بندگی کی بات کریں
جس نے توڑا سکوتِ محکومی
اسی صوتِ کڑی کی بات کریں
سب مسائل کا حل سے جس کے پاس
آج اس فلسفی کی بات کریں
جس پہ قربان عظمتیں ساری
ہم بھی اس عاجزی کی بات کریں
باتیں تو اور بھی بہت سی ہیں
اب تو بس پیروی کی بات کریں
ان میں کس چیز کی کمی ہے اے دوست
کس لئے ہم کسی کی بات کریں
ہم پہ لازم ہے شکر رب کا و سیم
اُس کے کرمِ جلی کی بات کریں
فہم و گماں سے آگے ہے رتبہ حسینؑ کا
قرآن کے ورق بولیں شبّرؑ کے نام پر
محشر میں ذکر ہوگا یہ خطبہ حسینؑ کا
دریا نے پیاس دیکھی، جھجک کر رُک گیا
سایہ بھی زیرِ زخم تھا قبضہ حسینؑ کا
باطل ہو یا ستم ہو، قدم نہ ڈگمگائے
قائم ہے آج تک بھی وہ وعدہ حسینؑ کا
نیزے پہ بھی زباں تھی، تلاوتیں ہوئیں
کانوں نے خود سنا ہے وہ لہجہ حسینؑ کا
بکھری تھیں لاشگاہ میں قربانیاں بہت
پر سب سے خاص منظر تھا سجدہ حسینؑ کا
تاریخ نے دکھایا ہے سچ کا یہ علم بھی
ہر دل پہ راج کرتا ہے کنبہ حسینؑ کا
جنت کا در جو کھلتا ہے در پر حسینؑ کے
اللہ نے دیا ہے یہ رتبہ حسینؑ کا
مظہرؔ لکھو عقیدت سے حرفوں کے چراغ
دل کہہ رہا ہے سارا ہے صدقہ حسینؑ کا
وہی مشکل گھڑی میں صاحبِ کامل مسلمان نکلے
جنہیں الزام دے کر اہلِ محرابوں نے دھتکارا
وہی حق کی حفاظت میں کھڑے کوہِ گراں نکلے
جنہیں بدنام کر کے شہر بھر میں شور برپا تھا
وہی باطل کے آگے بن کے سیلابِ رواں نکلے
جنہیں سمجھا گیا تھا بے عمل اور بے خبر لوگ
وہی میدانِ حق میں صف شکن مردِ جواں نکلے
جنہیں فتووں کی آندھی نے مٹانے کی ٹھانی تھی
وہی تاریخ کے اوراق میں روشن نشاں نکلے
جنہیں دنیا نے سمجھا تھا فقط خاموش رہنے والے
وہی طوفان بن کر ظلم کے آگے بیاں نکلے
مظہرؔ یہ بھی زمانے کی عجب تقدیر دیکھی ہے
جو سچے تھے وہی آخر میں اہلِ امتحاں نکلے
سکوں کی صدا ہے دعاؤں میں شامل
تری یاد کی روشنی جب سے اتری
مہکنے لگیں سب گھٹاؤں میں شامل
تری ہی عطا ہے جو دل کو ملی ہے
کرم کی لڑی ہے عطاؤں میں شامل
ہے خوشبو ہی خوشبو ہواؤں میں شامل
تری یادِ پاکیزہ چھاؤں میں شامل
غمِ دل بھی اب شکر بن کر چمکا
تری ہی رضا ہے بلاؤں میں شامل
تری نسبتِ پاک نے یہ دکھایا
حیاتِ یقیں ہے وفاؤں میں شامل
دلِ زار کو مل گئی اک تسلّی
تری مہک آئی فضاؤں میں شامل
مظہرؔ کی بس اک یہی التجا ہے
رہوں میں بھی تیری ثناؤں میں شامل
سب کا مولا، کریم بھی تو
ہے خالقِ کل، علیم بھی تو
تو ہی مولیٰ، عظیم بھی تو
سب کے دلوں کا ہے پیر بھی تُو
رازِ دروں کا خبیر بھی تو
ہے روشنی کا منیر بھی تو
ہے آسرے کا حمیر بھی تو
رزّاق بھی تو، حبیب بھی تو
ہر دم مرا دست گیر بھی تُو
بھٹکے ہوؤں کا حلیم بھی تو
ہے بے مثل و قدیم بھی تو
ستار بھی تو، غفور بھی تو
قدوس بھی تو، سلام بھی تو
سرشار میں ان گناہوں ڈوبا
بدکار میں پر رحیم بھی تُو
قرآن میں تذکرہ ہے جس کا
اس کا مولا، عظیم بھی تو
