نعت رسول مقبول صلی اﷲ علیہ وآلہ وسلم

PoetIshraq Jamal Ashar Chishti Submitted byIshraq Jamal Ashar Chishti
Text size

 بولے جبرئیل کے عالم کا تو مالک آقا
سب رعیت میں تیری سب کا تو داتا آقا

آپ کے نور سے روشن ہوئی دنیا ساری
ورنہ مغلوب تھا ظلمت سے اجالا آقا

میں تو دلدل میں گناہوں کی تھا سرتاپاء دھنسا
رحم نے آپ کے مجھ کو ہے نکالا آقا

میں تو گرجاتا جہنم کے گڑھے میں لیکن
آپ نے بڑھ کے دیا مجھ کو سنبھالا آقا

آپ کا ذکر ہی ہر دم ہے زباں پر جاری
آپ کے نام کی جپتا ہوں میں مالا آقا

کاش مجھ کو بھی مدینے سے بلاوا آتا
سر کے بل چل کے میں دوڑا ہوا آتا آقا

یہ اشہر اور غلامی کا یہ دعوٰی عظیم
لاج رکھ لیجیئے گا ورنہ ہے یہ کھوٹا آقا

More Religious Poetry

Copied