ہر ایک حرف دعا کے لیے کہو آمین

Poet: ثاقب By: ثاقب, Islamabad

ہر ایک حرف دعا کے لیے کہو آمین
میں کہہ رہی ہوں خدا کے لیے کہو آمین

جناب مفتیٔ اعظم معاوضے کے عوض
ہوں بے گناہ سزا کے لیے کہو آمین

کہیں رہو تو رقابت میں فاتحہ پڑھنا
دفاع مکر و ریا کے لیے کہو آمین

اکیلے رہنا تو شرمندہ خود پہ ہو لینا
ابھی تو جھوٹی انا کے لئے کہو آمین

میں جانتی ہوں منافق نہیں ہو تم اے دوست
رہوں میں شاد سدا کے لیے کہو آمین

رہے دعاؤں میں شامل کبھی نہ خود غرضی
ہر ایک شئے کی بقا کے لیے کہو آمین

وہ مل گیا ہے تو خوشبوؔ کو مل گیا سب کچھ
کہا یہ دل نے پیا کے لیے کہو آمین

Rate it:
Views: 2
16 Nov, 2026
More Khushboo Parveen Poetry