یوں احتجاج کی صورت بحال کرنے لگی

Poet: ثمر By: ثمر, Multan

یوں احتجاج کی صورت بحال کرنے لگی
میں اپنی ذات سے چبھتے سوال کرنے لگی

کسی کے طنز کے باعث ہنر عطا ہوا ہے
یوں ہی نہیں میں اچانک کمال کرنے لگی

حقیقی عکس سے میں آشنا ہوئی جب سے
خود آئنے کی بہت دیکھ بھال کرنے لگی

کوئی بھی وقت ہو ہٹتا نہیں ہے اک سایہ
میں اک دریچے کو کتنا نہال کرنے لگی

اندھیرا چھٹنے سے پہلے میں سجدہ ریز ہوئی
دراز اپنا میں دست سوال کرنے لگی

سوال کرنے لگے ناقدین اب خوشبوؔ
سخن میں اپنی میں قائم مثال کرنے لگی

Rate it:
Views: 2
16 Nov, 2026
More Khushboo Parveen Poetry