Add Poetry

Aaye Kuchh Abr Kuchh Sharaab Aaye

Poet: Faiz Ahmed Faiz By: Waqar Ali, Karachi

Aaye Kuchh Abr Kuchh Sharaab Aaye
Us Ke Baad Aaye Jo Azaab Aaye

[Azaab=Trouble, Difficulty]

Baam-E-Miinaa Se Maahataab Utare
Dast-E-Saaqii Me.N Aaftaab Aaye

Har Rag-E-Khuu.N Me.N Phir Charaagaa.N Ho
Saamane Phir Wo Benaqaab Aaye

Umr Ke Har Waraq Pe Dil Ko Nazar
Terii Meher-O-Wafaa Ke Baab Aaye

Kar Rahaa Thaa Gam-E-Jahaa.N Kaa Hisaab
Aaj Tum Yaad Behisaab Aaye

Na Gaii Tere Gam Kii Saradaarii
Dil Me.N Yuu.N Roz Inqalaab Aaye

Jal Uthe Bazm-E-Gair Ke Dar-O-Baam
Jab Bhii Ham Khaanamaa.N_Kharaab Aaye

Is Tarah Apanii Khamashii Guu.Njii
Goyaa Har Simt Se Jawaab Aaye

'Faiz' Thii Raah Sar Basar Ma.Nzil
Ham Jahaa.N Pahu.Nche Kaamayaab Aaye
 

Rate it:
Views: 3482
21 May, 2014
Related Tags on Faiz Ahmed Faiz Poetry
Load More Tags
More Faiz Ahmed Faiz Poetry
Popular Poetries
View More Poetries
Famous Poets
View More Poets