Dil-E-Nadan Tujhe Hua Kya Hai

Poet: MIRZA GHALIB By: Khawaja Mussadiq Rafiq, Karachi

Dil-E-Nadan Tujhe Hua Kya Hai
Aḳhir Is Dard Ki Dava Kya Hai

Ham Hain Mushtaq Aur Vo Be-Zar
Ya Ilahi Ye Majra Kya Hai

Main Bhi Munh Men Zaban Rakhta Huun
Kaash Pūchho Ki Mudda.A Kya Hai

Jab Ki Tujh Bin Nahin Koi Maujūd
Phir Ye Hangama Ai ḳhuda Kya Hai

Ye Pari-Chehra Log Kaise Hain
Ġhamza O Ishva O Ada Kya Hai

Shikan-E-Zulf-E-Ambarin Kyuun Hai
Nigah-E-Chashm-E-Surma Sa Kya Hai

Sabza O Gul Kahan Se Aa.E Hain
Abr Kya Chiiz Hai Hava Kya Hai

Ham Ko Un Se Vafa Ki Hai Ummid
Jo Nahin Jante Vafa Kya Hai

Haan Bhala Kar Tira Bhala Hoga
Aur Darvesh Ki Sada Kya Hai

Jaan Tum Par Nisar Karta Huun
Main Nahin Janta Dua Kya Hai

Main Ne Maana Ki Kuchh Nahin 'Ġhalib'
Muft Haath Aa.E To Bura Kya Hai

Rate it:
Views: 2893
18 Sep, 2019
Related Tags on Mirza Ghalib Poetry
Load More Tags
More Mirza Ghalib Poetry
Popular Poetries
View More Poetries
Famous Poets
View More Poets