Tujhe Mujh Se Mujh Ko Tujh Se Jo Bohat Hi Pyar Hota
Poet: Anwar Masood
تجھے مجھ سے مجھ کو تجھ سے جو بہت ہی پیار ہوتا
نہ تجھے قرار ہوتا نہ مجھے قرار ہوتا
ترا ہر مرض الجھتا مری جان ناتواں سے
جو تجھے زکام ہوتا تو مجھے بخار ہوتا
جو میں تجھ کو یاد کرتا تجھے چھینکنا بھی پڑتا
مرے ساتھ بھی یقیناً یہی بار بار ہوتا
کسی چوک میں لگاتے کوئی چوڑیوں کا کھوکھا
ترے شہر میں بھی اپنا کوئی کاروبار ہوتا
غم و رنج عاشقانہ نہیں کیلکولیٹرانہ
اسے میں شمار کرتا جو نہ بے شمار ہوتا
وہاں زیر بحث آتے خط و خال و خوئے خوباں
غم عشق پر جو انورؔ کوئی سیمینار ہوتا
Tujhe Mujh Se Mujh Ko Tujh Se Jo Bohat Hi Pyar Hota Poetry - Urdu poetry is filled with so many emotions and insights. Just like this couplet of Anwar Masood poetry in which says Tujhe Mujh Se Mujh Ko Tujh Se Jo Bohat Hi Pyar Hota. You will find 2 lines and ghazals in image & text form on Anwar Masood shayari. Within the vast realm of Urdu poetry, you'll discover a diverse spectrum of themes like sad, love, friendship, mother, father and Islam. Renowned poets such as Allama Iqbal, John Elia, Ahmad Faraz, and Mirza Ghalib has beautifully written Urdu shayari about these timeless themes.