Wah Wah Ramz Sjn Di Hor
Poet: Bulleh Shah
واہ واہ رمز سجن دی ہور
عاشق بناں نہ سمجھے کور
کوٹھے تے چڑھ ویوں ہوکا
عشق وہا جیو کوئی نہ لوکا
اس دا مُول نہ کھانا دھوکا
جنگل بستی ملے نہ ٹھور
واہ واہ رمز سجن دی ہور
عاشق بناں نہ سمجھے کور
عاشق دوہیں جہانیں مُٹھّے
ناز معشوقاں دے اوہ کُٹھّے
عشق دا پھٹیا کوئی نہ چُھٹے
کیتُو سُو باندا پھٹ پھلور
واہ واہ رمز سجن دی ہور
عاشق بناں نہ سمجھے کور
وے دیدار ہویا جد راہی
اچن چیت پئی گل پھاہی
ڈاہڈی کیتی بے پرواہی
مینُوں مل گیا ٹھگ لاہور
واہ واہ رمز سجن دی ہور
عاشق بناں نہ سمجھے کور
شیریں ہے برہوں دا کھاناں
کوہ چوٹی فرہاد نماناں
یُوسف مصر بازار وکاناں
اُس نُوں ناہیں ویکھن کور
واہ واہ رمز سجن دی ہور
عاشق بناں نہ سمجھے کور
لیلاں مجنوں دو نویں بردے
سُوہنی ڈبی وچ بحر دے
ہیر ونجھائے سبھّے گھر دے
اس دی کھچی ماہی ڈور
واہ واہ رمز سجن دی ہور
عاشق بناں نہ سمجھے کور
عاشق پھر دے چُپ چپاتے
جیسے مست سدا مدھ ماتے
دام زُلف دے اندر پھاتے
اوتھے چلے دس نہ زور
واہ واہ رمز سجن دی ہور
عاشق بناں نہ سمجھے کور
جے اوہ آن ملے ول جانی
اُس توں جان کرائی قربانی
صورت دے وچ یُوسف ثانی
عالم دے وچ جس دا شور
واہ واہ رمز سجن دی ہور
عاشق بناں نہ سمجھے کور
بُلھّا شوہ نُوں کوئی نہ ویکھے
جو ویکھے سو کسے نہ لیکھے
اُس دا رنگ نہ روپ نہ ریکھے
اوہ ای ہووے ہو کے چور
واہ واہ رمز سجن دی ہور
عاشق بناں نہ سمجھے کور
Wah Wah Ramz Sjn Di Hor Poetry - Urdu poetry is filled with so many emotions and insights. Just like this couplet of Bulleh Shah poetry in which says Wah Wah Ramz Sjn Di Hor. You will find 2 lines and ghazals in image & text form on Bulleh Shah shayari. Within the vast realm of Urdu poetry, you'll discover a diverse spectrum of themes like sad, love, friendship, mother, father and Islam. Renowned poets such as Allama Iqbal, John Elia, Ahmad Faraz, and Mirza Ghalib has beautifully written Urdu shayari about these timeless themes.