Wo Ruthi Ruthi Yeh Keh Rahi Thi Qareeb Aao Mujhe Manao
Poet: عامر امیر
وہ روٹھی روٹھی یہ کہہ رہی تھی قریب آؤ مجھے مناؤ
ہو مرد تو آگے بڑھ کے مجھ کو گلے لگاؤ مجھے مناؤ
میں کل سے ناراض ہوں قسم سے اور ایک کونے میں جا پڑی ہوں
ہاں میں غلط ہوں دکھاؤ پھر بھی تمہی جھکاؤ مجھے مناؤ
تمہارے نخروں سے اپنی ان بن تو بڑھتی جائے گی سن رہے ہو
تم ایک سوری سے ختم کر سکتے ہو تناؤ مجھے مناؤ
تمہیں پتہ بھی ہے کس سکھی سے تمہارا پالا پڑا ہوا ہے
معاف کر دوں گی تم کو فوراً ہی آؤ آؤ مجھے مناؤ
مجھے یوں اپنے سے دور کر کے نہ خوش رہو گے غرور کر کے
سو مجھ سے کچھ فاصلے پہ رکھو یہ رکھ رکھاؤ مجھے مناؤ
مجھے بتاؤ کہ میری ناراضگی سے تم کو ہے فرق کوئی
میں کھا رہی ہوں نہ جانے کب سے ہی پیچ تاؤ مجھے مناؤ
مجھے پتہ ہے مجھے منانے کو تم بھی بے چین ہو رہے ہو
تو کیا ضروری ہے تم بھی اتنے بھرم دکھاؤ مجھے مناؤ
مرا ارادہ تو پہلے ہی سے ہے مان جانے کا سچ بتاؤں
تم اپنے بھر بھی تمام حربوں کو آزماؤ مجھے مناؤ
بہت برے ہو مری دکھاوے کی نیند کو بھی تم اصل سمجھے
کہیں سے سیکھو پیار کرنا مجھے جگاؤ مجھے مناؤ
تم اپنے انداز میں کہ جیسے چڑھا کے رکھتے ہو آستینیں
تو میں ''تمہارا'' ردیف والی غزل سناؤ مجھے مناؤ
خلاف معمول موڈ اچھا ہے آج میرا میں کہہ رہی ہوں
کہ پھر کبھی مجھ سے کرتے رہنا یہ بھاؤ تاؤ مجھے مناؤ
میں پرلے درجے کا ہٹ دھرم تھا کہ پھر بھی اس کو منا نہ پایا
سو اب بھی کانوں میں گونجتا ہے مجھے مناؤ مجھے مناؤ
Wo Ruthi Ruthi Yeh Keh Rahi Thi Qareeb Aao Mujhe Manao Poetry - Urdu poetry is filled with so many emotions and insights. Just like this couplet of Amir Ameer poetry in which says Wo Ruthi Ruthi Yeh Keh Rahi Thi Qareeb Aao Mujhe Manao. You will find 2 lines and ghazals in image & text form on Amir Ameer shayari. Within the vast realm of Urdu poetry, you'll discover a diverse spectrum of themes like sad, love, friendship, mother, father and Islam. Renowned poets such as Allama Iqbal, John Elia, Ahmad Faraz, and Mirza Ghalib has beautifully written Urdu shayari about these timeless themes.