بقا کی تلاش
Poet: Dr. Muhammed Husain Mushahid Razvi By: Dr. Muhammed Husain Mushahid Razvi, Malegaonنفَس نفَس ہو مجھے اُن کے نقشِ پا کی تلاش
ہو ثبت دل پہ جو پوری ہو مدعا کی تلاش
درِ رسول پہ پہنچوں یہی تمنّا ہے
دلِ حزیں کو ہے دربارِ مصطفا کی تلاش
حبیبِ حق شہِ کوثر کے پہلے ہوجاؤ
تب ہوگی پوری خداوندِ کبریا کی تلاش
’’فنا‘‘ جو الفتِ احمد میں ہوگئے دل سے
سمجھ لو پاگئی تکمیل پھر ’’بقا‘‘ کی تلاش
سنو! اے اہلِ خرد اُن کے در پہ آجاؤ
اگر ہو امن و مساوات اور وفا کی تلاش
کہ فن کے ساتھ ادب کا بھی رنگ آجائے
جو فکر کرتی رہے شرعِ مصطفا کی تلاش
دُرود و نعت مُشاہدؔ وظیفہ کرلینا
جو پیش آئے کبھی بھی کسی دوا کی تلاش
Rate it: 
Views: 325
31 Oct, 2016
More Religious Poetry
امت کو ملی ، بندہ ء سبحان کی خوشبو وہ نورِ مبیں ﷺ لائے تھے قرآن کی خوشبو
امت کو ملی ، بندہ ء سبحان کی خوشبو..
امت کو ملی ، بندہ ء سبحان کی خوشبو..
سید ایاز مفتی ( ابنِ مفتی)
