حضور پاک آئے ہیں
Text size
کھلے ہیں پھول گلشن میں
کھلی کلیاں ہر آنگن میں
مہکتی ہیں سبھی گلیاں
جھوم اٹھی ہیں سبھی کلیاں
صبا بھی یہ پکار آئی
بہار آئی بہار آئی
ہر اک شے نے پکارا ہے
وہ دیکھو کیا نظارہ ہے
وہ ابھرا مہ انور ہے
آسماں بھی منور ہے
زمیں بھی جوش میں آئی
ہر طرف روشنی چھائی
وہ دیکھو کون آیا ہے
قریہ قریہ مسکایا ہے
زندگی مسکرائی ہے
زندگی مسکرائی ہے
برکتوں کی جھڑی لائی
رحمتوں کی گھڑی آئی
آقا تشریف لائے ہیں
رب کا پیغام لائے ہیں
رحمتیں ساتھ لائے ہیں
حضور پاک آئے ہیں
حضور پاک آئے ہیں
رحمتیں ساتھ لائے ہیں
مبارک دو مبارک لو
ہمیں سب کو مبارک ہو
آقا تشریف لائے ہیں
حضور پاک آئے ہیں