خیر کو خیر شر کو شر کہنا
Poet: ایم ۔ نصراللہ نصر By: راحیل, Quettaخیر کو خیر شر کو شر کہنا
سر قلم ہو تو ہو مگر کہنا
دکھ بشر کا نہ جو بشر سمجھے
اس بشر کو نہ تم بشر کہنا
لوگ چہرے پہ رکھتے ہیں چہرہ
ہر کسی کو نہ معتبر کہنا
سنگ ریزے تو سنگ ریزے ہیں
سنگ ریزوں کو مت گہر کہنا
ہے برا فعل آدمی کا یہ
سب کی باتیں ادھر ادھر کہنا
درد کے پھل ہی جس میں آتے ہوں
اس کو راحت کا مت شجر کہنا
یہ جہاں اک سرائے فانی ہے
نصرؔ اس کو نہ مستقر کہنا
Rate it: 
Views: 979
25 Jan, 2022
More Urdu Ghazals Poetry
زندگی نے میرا اصل حق ادا نہ کیا زندگی نے میرا اصل حق ادا نہ کیا
میرے سوجانے پر تو نے ملال نہ کیا..
میرے سوجانے پر تو نے ملال نہ کیا..
Muhammad Hamza Saeed Bhatti
زندگی جو تھی وہ بھی ہاتھ سے گئی زندگی جو تھی وہ بھی ہاتھ سے گئی
دکھ یہ ہے کہ وہ اصل حقدار سے گئی..
دکھ یہ ہے کہ وہ اصل حقدار سے گئی..
Muhammad Hamza Saeed Bhatti
